All NGO Co Ordination Committee hotute hnen a\anga ZONET thudawn danin Chief Secretary hian total bandh neih an tum chu \hulh turin a ngen tih an sawi a, thutlukna mumal erawh an nei thei lo tih sawiin an inkawmna an titawp niin an sawi a, an inbiakna chungchangah Sorkar a\angin lehkha an nghah thu an sawi a, an dinna ngaiah an la ding reng tih an sawi.
Puan tawh angin All NGO Co Ordination Committee hian Tripura Transit Camp-a Tuikuk awmte chu Special Class of Voters an ni tawh lo nia ngaiin a bika vote an thlakna tur Kanhmuna siam sak an ni chu duh lovin an vote neihna hmunah vote an thlak tur a ni an ti a, hemi a hlawhtlin theih nan kar leh thawh\anni atangin tiamchin awm lovin Mizoram pumah Total Bandh huaihawt an tum a ni.
He inbiaknaah hian Chief Secretary hi DGP Balaji Srivastava, Chief Eletoral Officer Pu Ashish Kundra leh Sorkar mipawimawh dangten an \awiawm a, All NGO hotute hi an chairman Pu Vanlalruata’n a ho a ni.
