AMC chhunga lirthei nei zat leh a dahna nei zat report thehlut tawh

0
342
views

Aizawl Municipal Corporation Area huam chhunga lirthei nei zat leh a dahna garage nei zat, Local Council hrang hrangten an veng chhung \heuha an chhiarna report \hahnem tak, Traffic SP Office-ah leh Aizawl Municipal Corporation Office-ah thehluh a ni tawh. Traffic SP Office leh AMC Office a\anga ZONET thu dawn danin, AMC Area huam chhunga Local Council awm zawng zawng, 83 chu an veng huam chhung \heuha lirthei nei zat leh garage nei zat enfiaha Traffic SP Office-ah report vawiina aia tlai lova pe kim vek tura hriattir an ni a, vawiin chawhnu thleng khan Local Council tlem azawng an report la thehlut kim lo an awm a, thehluh kimna tura hun pek hi vawiin thleng a nih avangin hmanhmawh tura ngen an ni. AMC Commissioner, Dr. H. Lalthlangliana hnen a\anga thu dawn danin, AMC Office-a report thehluhte chu Traffic SP Office-ah a enfiah tura thawn vat tum a ni a, Traffic SP Office-ah pawh report \hahnem tak dawn a ni tawh a, SP sawi danin Local Council hrang hrangte chuan a form dik tak hmangin lirthei neitu, a dahna garage neite chu certificate pek vek an ni a, garage an neih leh neih loh hriatna tura enfiah a nih hunah lirthei neitute certificate chu enfiah a ni dawn a, certificate nei lote chu dan anga hrem an ni dawn a ni. Zawhna chhangin Traffic Management Coordination Committee hotute chuan a dahna hmun tur ni lova lirthei dah a awm lohna tura \an an lakna chu khauh taka ken kawh an tum tih an sawi a, a dahna hmun tur ni lova lirthei dahte chu manin pawisa an chawi tir zel ang a, dan bawhchhe nawnte chu an pawisa chawi, a letin tihpun a ni dawn a ni. Puan tawh angin he Coordination Committee hian lirthei neitute chu nikum October ni 1 a\anga tun thla ni 30 thleng, ni 420 chhung, lirthei dahna siam nan hun a pe a, he hun pek hi tun thla tawpa tawp tur a nih avangin garage nei lote chuan garage sak nan ni 10 chhung chauh hun an nei ta a ni.