AMC Mayor Pu P.C. Lalhmingthanga’n sorkar laipuia Housing and Urban Affairs Minister Pu Hardeep Singh Puri a pisaah hmu

0
359
views

AMC Mayor Pu P.C. Lalhmingthanga’n sorkar laipuia Housing and Urban Affairs Minister Pu Hardeep Singh Puri chu nimin khan a pisaah hmuin AMC dinhmun leh Aizawl khawpui hmasawnna tur chi hrang hrangte a sawipui. Aizawl Mayor chuan, Finance Commission a\anga basic grant sum an dawn turte a hun taka an dawn theih nana hmalakpui tur te, Aizawl khawpui tihhmasawnna tura Scheme hrang hrang zingah AMRUT project tlemte chauh AMC in a thawh avangin AMRUT sum a hun taka an dawn theih nana hmalak sak tur tein Minister hi a ngen a ni. Housing and Urban Affairs Minister Pu Hardeep Singh Puri chuan AMC hmasawnna atana hmalakpui a inhuam thu leh AMC leh Aizawl khawpui dinhmunte hrechiang lehzual tura Aizawl lo tlawh thuai a tum thu Aizawl Mayor hi a lo hrilh ve bawk a ni.

Aizawl Mayor hi Dy. Mayor Pu Lalringliana leh Councillor Pu Lalbiakthanga’n an tawiawm a, Minister an hmuh hnu hian AMRUT Project enkawltu Joint Secretary Pu Shiv Das Meena hmu nghalin AMRUT Project a an hmalak dan leh project kal zel dan tur te an sawi pui bawk.