Sairang VCP Pu Vanrammawia hnen a\anga ZONET thudawn danin Tlawng luia kal tumte hi hmun 3 ah endik an ni a, Sairang zero point-ah Sairang khawtlang hruaitute an duty a, Sihhmui mipuite chu bawngsuar leh Sairang Dinthar chu Tlawngdung velah an duty tih a sawi.
Pu Vanrammawia chuan, duty hi chawhma dar 11:30 vel a\angin an \an tih a sawi a, Tlawng luia kal tum lirthei 500 chuang an awm tih a sawi a, heng lirthei te hi an endik hnuah tualchhunga zu siam Local fun 829, Sap zu um 32 leh Beer cane 58 an man sak tih a sawi a, an duty tih hriaa duty na hmun thleng lova kawngsira an zu pai inzo ta pawh tam tak hmuh tur an awm tih sawiin zu an man sak avanga Tlawnglui thleng thla lova let leh ta pawh an awm tih a sawi.
Pu Vanrammawia chuan, Tlawnglui kal tumte endik an nih avang hian intibuai thawm hriat tur a awm lo tih a sawi. Pu Vanrammawia chuan, tunhnaia an khaw mi kutthlaktute a tira an man bak Police ten an la man belh lo tih sawiin man thuai an nih theih nan na zawka nawr an tum tih a sawi. Zirtawpni kalta khan Sairang tlangval pathum te chu Armed Veng South leh Salem Veng mi \henkhatin kut thlakin, an balu lakna lawng khawlte an tih chhiat sak a, heng kutthlaktute zinga 5 chu Police ten an man tawh a ni.
