Live Update|April 1|Covid-19 chungchang thu thar lakkhawm

0
587
views

He live blog hi tihtawp a ni tawh a, April ni 2 live blog en duh tan:
https://www.zonet.in/april02-covi19-liveblog/

12:15 AM
Assam Goalpara-ah Covid-19 positive 3 hmuh belh a ni a, tun dinhmunah Assam hian positive 16 an nei tawh a,

11:58 PM
Zantir lama puan tawh, Mumbai-a mi rethei zawkte chên khawmna Dharavi ami coronavirus positive hmuhchhuah chu a thi

11:58 PM
Zanin April ni 1, zan dar 7:30 thlenga Health Ministry-in a chhinchhiah dan chuan ram pumah Covid-19 kai enkawl lai 1649 an awm mek a, mi 143 enkawl dam an ni tawh a, mi 41 an thi tawh a ni

11:56 PM
Mizoram: Zanin dar 8:00-a thu kan dawn danin, ZMC-a Covid-19 kai enkawl mek chu a dinhmun a la pangngai rih a, a khawsik a la reh lo a, a tha zel turah beisei a ni

11:53 PM
Mizoram: Vawiin chhun dar 12 thleng khan mi 61923 chu endik (screen) an ni tawh a, ram pawn atanga lo haw mi 200 khunghran (quarantine) an ni tawh a, state pawn atanga lo haw mi 2449 khunghran an ni tawh a, dah hran (isolate) mi 8 an awm tawh a, sample 52 lak tawhah pakhat a positive tawh a ni

11:48 PM
Mumbai: Jaslok Hospital (mimal ta)-a nurse pakhat test-ah a postive, damdawiin hi an khâr lailawk rih a ni

11:46 PM
West Bengal: A vaiin mi 7 an thi tawh a, Nizamudddin punkhawmnaa tel mi 71 khunghran an ni tawh

11:42 PM
Germany-in mipui mimir pawn chhuah a khap a hunchhung April ni 19 thleng a pawtsei

11:40 PM
Singapore-ah coronavirus case thar 74 a awm a, an zinga 7 chu India khua leh tui an ni

11:18 PM
Rimawi khawvela mi lar tak, Padma Shri chawimawina pawh lo dawng tawh Nirmal Singh-a’n Covid-19 a kai ve

11:16 PM
Vawiinah Telanga-ah case thar 12 a awm a, thi 1 a awm bawk

11:04 PM
UK-ah mi 563 an thih belh a, ni khata UK-a Coronavirus vanga thi an tam ber ṭum a ni

10:58 PM
Hyderabad: Covid-19 enkawl lai mi pakhatin doctor kut a thlak a, a lakah thubuai ziah luh nghal a ni a, damlo unaupa hi Covid-19 vang thoin a lo thi tawh a ni

10:53 PM
Union Home Secy Ajay Bhalla-a’n hmun danga inhlawhfa tangkhangte leh coronavirus kaihhnawih thila thu dik lo thehdarh ṭhin chungchanga an hmalakna te (Action Taken Report) thehlut turin state/ut sorkar a ti

10:46 PM
Navi Mumbai-ah CISF sipai 5 test-ah an positive

10:45 PM
Delhi: Bara Hindu Rao Hospital-a hnathawk ṭhenkhatin banna thehluh an tum a, thuneitute chuan heng mite banna thehluh hi pawm a nih loh tur thu leh an chungah hremna lek a nih zawk tur thu an sawi

10:39 PM
Rajasthan-ah case thar 7 a awm a, a vai hian Tablighi Jamaat nen inzawmna nei an ni a, Rajasthan-ah hian case 120 a awm mek a ni

10:34 PM
Andhra Pradesh-ah vawiin khan case thar 68 chhinchhiah a ni

9:50 PM
Jharkhand: Ranchi Minister fapa-in Delhi-a Tablighi Jamaat mosolman inkhâwm a chhim tih hriat chhuah a ni a, khung hran a ni tawh

9:44 PM
Rajasthan: Mi 7 test-a positive an awm belh a, anni pawh hi Nizamudddin a mosolman inkhawm chhim vek an ni

9:32 PM
Puducherry-ah Covid-19 vei hmuhchhuah pakhat a awm a, hei pawh hi Tabligh Jamaat inkhawm chhimtu a ni

9:19 PM
CBSE-in an hnuaia zirna in zawng zawnga pawl 1 leh pawl 8 inkar zirlai zawng zawng pâwl sawn/kâi tir a remti

9:12 PM
Assam: Case thar 8 chhinchhiah a ni a, an vaiin Tablighi Jamaat punkhawm chhimtu vek an ni

9:10 PM
Rajasthan: Positive case thar 5 chhinchhiah a ni a, an vaiin Tablighi Jamaat punkhawm chhimtu vek an ni

8:54 PM
Indore-ah hmeichhe lam doctor pakhat Covid-19 test a positive

8:51 PM
Wimbledon 2020 ṭhulh a ni, 2021, June 28 leh July 11 inkarah khelh a ni ang

8:47 PM
Mumbai-ah mi 4 an thih belh a, Maharashtra puma thi tawh zat chu 16 a ni

8:30 PM
Mizoram: Sorkar laipuiin PPE 500 Mizoram a pe, remchang hmasa berah lo thawn a ni ang, naktuk chawhnu dar 1:30-ah BSL-3 laboratory hawn tum a ni a, zaninah Silchar aṭangin COVID-19 test kit a lo thlen beisei a ni

8:22 PM
BREAKING: Delhi Hospital-a enkawl mek, Tabhligi Jamaat punkhawmnaa tel mi pakhatin intihhlum a tum, chhan hman a ni

8:04 PM
Chandigarh: Delhi Nizamuddin punkhawmnaa tel mi 5 hriatchhuah an ni a, khunghran nghal an ni

7:56 PM
Gujarat: Case thar panga a awm a, state pumah 87 a awm tawh

7:49 PM
Delhi: Vawiinah positive case 32 chhinchhiah a ni a, state chhinchhiah zat chu 152 a ni

7:45 PM
Haryana-ah thla thum chhung ṭhelret ṭhial chi reng reng hralh khap a ni, hei hi Coronavirus darh zel tur venna atana tih a ni

7:38 PM
FCS&CA Department Ngenna: Mipui nitin mamawh (essential commodities) phurtu leh buaipuitu bakah he hnain a kaihhnawih hrang hrang thawktu – Truck khalhtu, Truck neitu, motor lian part zuar, workshop hnathawkte leh an lirthei, pawisa lâk, POL lâk leh a ṭul huna dawr leh workshop hawng tur leh, hemi atana an veivah ṭul huna harsatna an tawh lohnan a theih ang ang a lo puibâwm turin Department chuan Local Level Task Force duty leh Police-te a ngen a ni

7:37 PM
Vawiinah Haryana-ah report thar a awm lo

7:33 PM
Lockdown bawhchhiat vangin mi 4053 man an ni tawh a, thubuia 200 chuang ziah luh a ni tawh bawk

7:17 PM
BREAKING: Mumbai Dharavi-ah positive case hmasa ber chhinchhiah a ni. Damlo hi Sion Hospital-ah enkawl mek a ni a, a chenpui mi 10 vel khunghran an ni tawh bawk a, a thangna chin chhui mek a ni. Dharavi hi mi rethei zawkte awm khawmna hmun (slum area) a ni a, Asia khawmualpuia slum area lian ber a ni a, hectare 613 vela zau a ni a, mi nuai 15 chuang an cheng mek a ni

7:02 PM
West Bengal-ah Nizamudddin punkhawmnaa tel ve mi 71 hriat chhuah an ni tawh: CM Mamata Banerjee

7:00 PM
Home Secretary Ajay Bhalla chuan Home Ministry-in a phal leh khap bak thil dang belh emaw paih lo turin State leh UT zawng zawng a hriattir

6:58 PM
Maharashtra: Case 335 chhinchhiah a ni tawh

6:43 PM
Kerala: Tabhligi Jamaat inkhawm chhimtu mi 60 en thli thlai mek an ni

6:41 PM
ICMR-in Hydroxychloroquine a nazawnga ei remti lo, Covid-19 kâi nena intawk tawh leh damlo enkawltute tan chauh a nih thu a sawi

6:23 PM
A ṭha lam: Haryana-a Covid-19 kai enkawl lai 9 enkawl dam an ni

6:22 PM
Maharashtra: Nizamudddin punkhawmnaa tel mi 250 hriat chhuah an ni tawh

6:12 PM
Tamil Nadu: Case thar 110 chhinchhiah a ni a, state chhinchhiah zat chu 234 a ni

6:05 PM
HRD Ministry-in CBSE hnuaia pâwl 1 leh pâwl 8 inkar zirlai zawng zawng pâwl kâi tir turin thu a râwn

6:05 PM
ZMC bulettin tarlan danin rinhlelh thil thuah mi 4 Falkawn damdawiinah admit thar an ni a, rinhlelh kai enkawl mek leh ICU-a awm mek te dinhmun a la ngai. COVID-19 Testing Laboratory bun chungchanga mawhphurtute an ṭhukhawm a, Laboratory enkawltu tur mi 3 lak belh an ni a, naktuk April ni 2, 2020 chawhnu dar 1:30-ah laboratory hi Health Minister Dr. R Lalthangliana chuan a hmunah a hawng ang.

6:09 PM
Kerala: Case thar 24 chhinchhiah a ni a, state chhinchhiah zat chu 265 a ni

5:23 PM
Delhi-ah active case 112 a awm mek a, sorkar laipui hnenah testing kit leh mamawh dang an thlen: CM Kejriwal

5:20 PM
Nepali Muslims 18 Nizamuddin punkhawmnaa tel hriatchhuah an ni a, Nepal sorkarin a khunghrang mek

5:18 PM
Covid-19 hri kai nia rinhlelh 766 damdawiinah enkawl mek an ni: CM Kejriwal

5:11 PM
Maharashtra-ah Tabligh punkhawm chhimtu mi 250 hriatchhuah an ni tawh

5:09 PM
CJI leh Supreme Court roreltu zawng zawngin cheng 50,000 ṭheuh PM-CARES fund-ah an pe

5:07 PM
Jaipur Osman Mosque-ah Chennai mi 10 man an ni, an vai hian Jamaat chhima zin an ni

4:59 PM
Chennai: April ni 15 zing dar thleng CrPC 144 pawh sei a ni

4:51 PM
BREAKING: Andhra Pradesh-a Covid-19 vei 87 zinga 64 chu Tabhligi Jamaat khawmpui chhimtu an ni tih hriatchhuah a ni

4:46 PM
Nagpur: Tabhligi Jamaat (khawmpui) chhimtu mi 54 khunghran an ni tawh

4:44 PM
Spain: Thi zatin 9000 a pel a, natna hrik kai zatin 100,000 a pel

4:43 PM
Iran-ah coronavirus vanga thi zat chu 3036 a tling tawh

4:41 PM
Gujarat: Nizamudddin Tabhligi Jamaat chhimtu 171 hrait an ni tawh a, khunghran mek an ni

4:39 PM
Ranchi: Nepali muslim hotu 10, Nizamudddin Jamaat (khawmpui) puitlin tura training petu chhuichhuah an ni

4:28 PM
Ramchhungah PPE siam chhuah ṭan a ni: Health ministry

4:13 PM
Test 47,000 tih a ni tawh a, laboratory 126 ram pumah a awm mek: ICMR

4:11 PM
Darkar 24 chhungin coronavirus case thar 386 a awm: Health ministry

4:09 PM
Rêl pindan hrang hrangah damlo enkawlna tur khum nuai 3.2 ruahman belh mek a ni: Health ministry

4:08 PM
Ramchhunga coronavirus case pun nasat chhanah Tabhligi Jamaat punkhawm Health Ministry-in a puh

3:55 PM
Muslim pawl Jamiat Ulema-e-Hind hruaitu-in Nizamudddin Markaz demna tur a awm loh thu leh PM-in lockdown a puan pawhin an zawm ve niin a sawi

3:50 PM
Congress hotunu, Sonia Gandhi-in MGNREGA hnathawkte ni 21 hlawh tur pe lawk turin PM a ngen

3:46 PM
Siapi damdawiin hrang hrangah coronavirus kai enkawlna tur khum 9000 peih fel a ni

3:44 PM
Tamil Nadu: State sorkarin Nizamudddin punkhawmnaa tel zawng zawng Health Department-ah inhriattir turin a ngen

3:40 PM
Rajasthan bika coronavirus darh ṭanna hmuna Jaipur khawpui puan a ni

3:23 PM
Delhi Safdarjung Hospital-a doctor pahnih coronavirus test-ah an positive

3:22 PM
Nizamuddin-a Markaz bulding tihthianghlim mek a ni

3:19 PM
Telangana aṭangin Nizamuddin punkhawm chhimtu mi 1200 vel an awm tih an state health minister-in a sawi

3:05 PM
Ram pumah vawiinah case thar 100 chhinchhiah a ni tawh

3:01 PM
PM Modi-a’n naktukah state zawng zawng CM online-in a kawm dawn

2:52 PM
Delhi CM Kejriwal-a’n COVID-19 damlo enkawltu zinga nunna chân an awm a nih chuan cheng vbc 1 zângnadamwna pek a tiam

2:49 PM
Maharashtra Deputy CM-in lockdown zawm ṭhat loh a nih chuan khuahkhirhna nasa zawk lek a tum

2:37 PM
Pakistan-ah coronavirus case 2000 chuang a awm tawh

2:16 PM
Hockey India-in PM-CARES Fund-ah cheng nuai 25 a pe

2:15 PM
Rampuma bungraw phur truck nuai 90 zingah za zela 5 chauh lockdown laia tlân chhunzawm an awm anga chhut a ni

2:12 PM
Europe-ah coronavirus vanga thi mi 30,000 an awm tawh a, a tam zawk chu Italy-ah a ni

2:10 PM
Mumbai-ah positive case 16 chhinchhiah belh a ni

2:04 PM
Nizamuddin-a Tablighi khawmpui chhimtute chuanna rêl pangaa chuang ve dang zawng zawng zawn mek an ni

2:02 PM
Russia khua leh tui tangkhang mek 400-in India an chhuahsan, hei hi Russia khua leh tui an rama thawn haw ṭum lina a ni

1:55 PM
J&K: khaw hrang hrang 25 red zone-ah puan a ni

1:51 PM
Italy-in lockdown April ni 13 thleng a pawt sei

1:45 PM
J&K-ah Tablighi Jamaat khawmpui chhimtu mi 10 hmuhchhuah an ni a, quarantine nghal an ni

1:00 PM
US: 2001 September ni 11-a New York khawpuia World Trade Centre mi firfiakten an beih ṭuma thi zat aiin Covid-19 vanga US khua leh tui thi an tam tawh zawk

12:36 PM
Karnataka sorkarin nitin bawnghnute litre nuai 7 mi rethei zawkte a sem dawn

12:34 PM
Gujarat-ah coronavirus case thar 82 chhhinchhiah a ni a, District te te a chhinchhiah dan chu: Ahmedabad 32, Gandhinagar 10, Surat 10, Rajkot 10, Vadodara 9, Bhavnagar 6, Gir Somnath 2, Mehsana 1, Kutch 1, Porbandar 1 te a ni

12:32 PM
Goa-a ram dang mi tangkhang 2000 vel an rama an haw theih dan tur buaipui mek a ni

12:28 PM
Rajasthan-ah muslim sakhaw zuitu mi 100 vel an sakhaw dana mi thianghlim thlânah an pungkhawm leh a, police-ten tharum thawhin an haw luih tir

12:21 PM
New York khawpuia Covid-19 vanga thi zat chu 1096 a tling tawh a, case awm tawh zawng zawng zat chu 41771 a ni

12:01 PM
Mizoram: COVID-19 patient awm chhun dinhmun a ṭha a, a khua a la sik deuh a, BP leh Oxygen pawh a ṭha chho zel e

11:58 AM
Russia-in US ṭanpuina a thawn, thawhṭanni khan ram pahnih hruaitute COVID-19 beih let dan tur te sawiin an lo inkawm tawh a, vawiin khan Russia sipai thlawhna chuan US-ah bungraw hrang hrang leh hmaituamna a phur a ni.

11:50 AM
Hyderabad aṭanga Nizamuddin punkhawmnaa tel mi 140 chhui theih loh an awm mek. Puan tawh angin Nizamuddin punkhawmnaa tel mi 348 chu mahni inah an inkhunghrang mek a, mi 74 damdawiina hruai an awm tawh a, midang 41 sorkar siam inkhunghrannaah an awm mek bawk a ni

11:49 AM
Indian Institute of Technology, IIT Guwahati hnuaia Mechanical Engineering leh Electrical Engineering department-ten robot chi hnih an duang mek a, hei hi COVID-19 isolation ward-a damlo te chaw leh damdawi pekna atan leh hrik kai theihna thil dangte lak khawmna atan hman an tum a ni

11:48 AM
Ni thum kaltaa Madhya Pradesh Khargone District-a Dhargaon khuaa thi pa pakhat kum 65 chu a sample result-ah COVID-19 kai tih hmuhchhuah a ni

11:04 AM
Nizamuddin Markaz aṭangin mi 2361 lak chhuah an ni tawh: Delhi Deputy CM Manish Sisodia

10:57 AM
Delhi State Cancer Institute-a doctor pakhat chu coronavirus a positive tih hmuhchhuah a ni a, a thawhna hospital hi khara tih thianghlim nghal a ni a, Delhi Hospital-ah enkawl mek a ni

10:55 AM
Delhi Police-te’n Nizamuddin punkhawm nena inzawmna nei mi 6 thubuai an siam sak

10:22 AM
US-a COVID-19 vanga thi zatin 4000 a pel, ni thum chhungin a letin a pung.

10:09 AM
Taiwan-in a mamawh zual ramte hnenah hmaituamna mtd. 10 a pekin a pe dawn, Taiwan hian COVID-19 case 322 a nei tawh a, thi 5 a nei tawh bawk a ni.

09:58 AM
Navy hmunpui pakhat, INS Hansa aṭangin Pune-ah sample 60 thawn a ni.

09:50 AM
Madhya Pradesh-ah test 21 an positive belh a, he state-ah hian positive 86 an awm tawh a ni.

09:38 AM
Tamil Nadu-in Nizamuddin Tablighi punkhawmnaa tel zawng zawng thuneitute hnena inhriattir turin a ngen.

09:22 AM
Rajasthan-in state pum screen hmasa ber a ni a, an state-a cheng mi vbc 7.5 a screen tawh a ni.

09:20 AM
France-ah darkar 24 chhungin coronavirus vanga thi mi 499 an awm belh.

09:20 AM
US-ah darkar 24 chhungin coronavirus vanga thi mi 865 an awm belh a, hei hi US-ah ṭum khata thi an tam ber ṭum a ni.

09:11 AM
Virus lam chik mi, Virologist Gita Ramjee chu coronavirus vangin a thi a, kum 50 mi a ni. Ramjee hi Indian thlah, South Africa-a cheng a ni a, vaccine scientist bakah HIV lam mithiam a ni a, kar kaltaa London aṭanga a haw chuan Covid-19 kai lo niin an ngai a ni. South Africa-ah hian Covid-19 vanga thi mi 5 an awm tawh a ni.

09:05 AM
UN Secretary General, Antonio Guterres chuan COVID-19 hrilêng chu indopui pahnihna hnua khawvelin harsatna a tawn khirh ber a nih thu a saw

08:47 AM
West Bengal-ah coronavirus vanga thi mi 4 an awm belh

08:45 AM
Andhra Pradesh sorkarin CM leh staff-te hlawh a pe kim rih dawn lo

08:42 AM
Mumbai-ah positive case 16 chhinchhiah belh a ni a, Pune-ah 2 chhinchhiah belh a ni bawk

08:33 AM
Nizamuddin punkhawmnaa tel zing ami mosolman biakin dang 16-ah an awm darh tih hriatchhuah a ni

08:32 AM
Bhopal: Nizamuddin punkhawmnaa tel mi 32 khunghran an ni

08:30 AM
Noida: Nizamuddin punkhawmnaa tel mi 34 khunghran an ni

08:29 AM
Uttar Pradesh: Nizamuddin punkhawmnaa tel mi 50 khunghran an ni

08:27 AM
Johns Hopkins University tarlan danin coronavirus vanga thi Italy-ah an tam ber a, thi zat hi 12,428 a ni a, a dawttu chu Spain niin, 8269 thi an awm tawh a, a pathumnaah US awmin, mi 3415 an thi tawh a ni

08:17 AM
State hrang hrangah Tablighi Jamaat inkhawma telte zawn beihpui thlak a ni