NDMA a\anga mithiam lokalte hi Principal Scientist, Dr. DP Kanungo, Consultant, Dr. Ravinder Singh leh Chief Geologist, Dr. BD Patmi-te an ni a, heng mite hian Sports Minister, Pu Robert Romawia Royte, Aizawl East II bialtu MLA ni bawk, Aizawl Mayor, Pu PC Lalhmingthanga, Disaster Management Authority hotute leh Armed veng khawtlang hruaituten lei tlakhniamna hmun hi an enfiah a, hmun hrang hrang an enfiah hnua thuthar lakhawmtute zawhna chhangin NDMA hotute chuan thil awmdan an enfiahna a\angin tuihawk luankawr mumal lo chu harsatna bul\anna nia an hriat thu an sawi a, tuihawk luankawr awmchhunte pawh bawlhhlawhin a hnawhkhah vek avangin tui a luang \ha thei lova, hei hian a chhehvel lei a tihnip a, harsatna a thlen niin an sawi. Hemi bakah hian leitlakhniam \hinna chhehvelah inchhawng sang tak tak hmuh tur a awm a, in satute chuan bankhur an laih thuk tawk bawk si loh avangin hetiang harsatna hi a thleng ta niin an sawi a. Report an pek turah pawh tuihawk luankawr ngaihpawimawh a nih theih nan leh leitlahniam vanga in chhiate siam\hat a nih theih nan rawtna an siam tur thu an sawi a ni. NDMA hotute chuan, Hunthar venga leimin \hinna hmun pawh nimin khan an enfiah tih sawiin, an enfiahna a\anga an thil hmuh dan a zira DPR siam\hat dan tur leh harsatna a thlen nawn tawh loh nana hmalak dan tur rawtna chu naktuk hian Delhi-a an hotute hnenah an thlen dawn niin an sawi a, DPR siam a nih hnua sum an hmuh hma leh hma loh chu State sorkar-in sorkar laipui a nawr thiam dan a zir a nih tawh dawn niin an sawi a ni.
Sports Minister Pu Robert Romawia Royte pawhin, Mizoram chhung hmun \henkhata leimin \hin chu harsatna thlentu a nih avangin Chief Minister, Pu Zoramthanga’n tunhnai khan New Delhi-ah NDMA hotute hmuin, heng leimin \hinna hmun hi enfiah turin a ngen a, chumi a\anga ni 2/3 lek hnuah Expert Team an lokal nghal chu thil lawmawm niin a sawi a ni.
