He Seminar kaihhruaitu, Prof. Laltluangliana Khiangate chuan Mizo tana hnam thinlung put pawimawh dan sawiin Mizo \awnga thu leh hla ziah hrang hrangah Mizo Nationalism lanchhuah dan hrang hrang zir zau a pawimawh tih a sawi a ni.
Seminar a khuallian Chief Information Commissioner Pu Lalduhthlana Ralte chuan Mizo Nationalism hi pawn lam a\anga tlir hian a dang deuh nia a hriat thute, Nationalism hi kan hman danah ram leh hnam kan huam tir a vang hian kan buai deuh em tih ngaihtuahna a awm theih thute, Nationalism chu hnam thinlung ang a sawi a nih chuan thinlung lam inenfiah a ngaih thute sawiin, nationalism leh ram \anna, patriotism hi lak kawp chuan a buai theih thute, sawr zim lutuk chuan mahni ngei pawh a buai theih thute a sawia, \awng leh sakhua hi hnam min nih tirtu ber pakhat a nih avangin humhalh \hat a tula, \awng leh sakhua hi a ral chuan hman nihna hi a ral mai dawn niin a sawi a ni.
