Pu R Lalzirliana hian Tuirial Jail-a hnam sipaite tanna hmun hlui chu Mizo hnam tana rohlu leh thang tharte pawhin an chhinchhiah atana pawimawh anih avangin humhalh a, Mizo mipuite tlawh leh hmuh theih tur a chei a ni dawn tih a sawi a, Tourism Minister Pu Robert Romawia Royte pawhin Tuirial Jail hluia Hnam sipaite sulhnu tlawh tur leh hmuh tur la awm chu lawmawm a tih thu sawiin, sorkar in a theih anga chei\hat a tum a ni. Tuirial Jail-a hnam sipai tang, leverh hmanga tlan chhuakte zing ami Pu Rengliana leh Pu Lalhmingthanga-te’n Minister-te hi an tlanchhuah dan an hrilhfiah a, khatih hun lai khan Tuirial Jail-ah hian Mizo hnam sipai engemawzat khung an ni a. Heng zinga mi 18 te chuan tlan chhuahna tur thla 2 chhung lei an verh a, Octrober ni 7, 1979 zan khan Jail a\ang hian an tlanchhuak a ni.
