Kumin July ni 1 atanga ni 12 chhunga Lithuania leh Turkey-a khawvel ram hrang hrangte tana hnam lam intihsiakna a India aiawha kal, Art & Culture Department hnuaia Institute of Music & Fine Arts Troupe chu vawiin khan Art and Culture Minister Pu R. Romawia’n a Pisa-ah lawmpuina thingpui a inpui. Minister chuan IMFA Performing Troupe-te hlawhtlinna chu tun hnu zelah khawvel ram dangte nena inpawhna zau zawk siam tura kawng hawngtu a ni dawn niin a sawi a ni. IMFA Troupe hian Lithuania-a VII International Folk Contest-ah lawm man 3-na an la a, Turkey-a 31st International Golden Karagoza Folk Dance Competion-ah pawh an tel a ni.
