A hawnna inkhawm vawiina neih chu Planning Secretary, Dr. C. Vanlalramsanga’n a hmanpui a, lemziak leh a kaihhnawih lama tui mite tana an kutchhuak phochhuahna hun hlu tak buatsaih a ni chu thil lawmawm tak a ni tih sawiin, Mizoram mai ni lo India ram hmun dang dang a\anga hetiang lama tuimite nen hmun khata an kutchhuak tarlan a ni chuan an kal zelna turah phurna leh hlawhtlinna thui zawk a pek ngei a beisei tih a sawi. He inkhawm tawi hi Senior Artist, Pu Rosiamliana Tochhawng-in a kaihruai a, SCERT Director, Pi Laldawngliani Chawngthu, Indian National Contemporary Fouandation for Art and Culture Secretary, PuGourmoni Mahisya Das leh he Festival buatsaihtu, Art Novelty Gallery neitu nibawk Pi Lalhming Mawii pawhin thu an sawi a ni.
He Art Festival-ah hian Mizoram leh pawna a\anga lemziak chi hrang bakah Sculpture leh Ceramics hmanga thil siamte pho chhuah a ni a, Festival neih a nih chhung hian Art Workshop neih \hin a ni dawn a, hei bakah hian thlalak chi hrang hrang, digital graphics leh kutthemthiam dangte kutchhuak chi hrang hrang phochhuah a ni dawn bawk a. Ni 28 chhun dar 12:30 a\angin Mizoram Film Forum bul tumin Mizo leh hnamdang short film chhuah a ni dawn bawk a ni. Aizawl Art Festival-ah hian Artist 63 an tel a, an zinga 29 chu Mizoram pawn lam mi an ni.
