Chawlhni kaltaa sakhaw puithuna thil vanga inawkhlum nia hriat chhungkaw khata mi 11 te chu an laina hnai leh thiante thu zawhfiah an ni dawn

0
475
views

Chawlhni kaltaa sakhaw puithuna thil vanga inawkhlum nia hriat chhungkaw khata mi 11 te chu an laina hnai leh \hiante thu zawhfiah an ni dawn tih Delhi Police-ten an sawi. Police-te chuan he chhungkuaa an pi ber, kum 77 mi Narayani Devi tih loh midang 10-te chu pindan pakhatah inawkhluma hmuh vek an ni tih an sawi a, Narayani Devi fapa 2 leh an nupuite leh an fate pahnih, kum 15 ve ve leh Narayani Devi fanu Pratibha leh a fanu te an ni tih an sawi bawk a ni. An vaia inawhhlum hi Devi fapa, Lali Chundawat-a remruatna nia hriat a ni a, Lalit hian a pa thi tawhin an thlarau chhandam tur leh hlimna leh hausakna an dawn theih nan serh dân eng emaw hmang turin a ti niin a sawi a, pathiante tilawm turin bûng kunga a zar inkhai uai fur anga an chhungkua inkhai uai a ngaih thu a sawi chu an zawm ta niin thuneitute chuan an sawi bawk a ni. Police-te chuan an chhungkua hian rilru lama harsatna nei an nih leh nih loh hriatchhuah tuma an beih mek thu an sawi a, Vidya Sagar Institute of Mental Health and Neurosciences lama mi thiamte nen an theih ang angin an mizia leh nunphung chhui chhuah an tum tih an sawi a ni.