Mizoram BJP tana Social Media & IT training vawiina buatsaihah he thu hi a sawi a, Mizoram harsatna tawh chhan chu hlepruk hmang leh mipuite hmangaih lo kutah rorelna a awm vang niin a sawi. Hemanta Biswa chuan tun hmaa Manipur kawng chhe lutuk nei \hin chu BJP sawrkar an neih chinah chuan kawng chhia vanga mipui buaina a thleng tawh ngai lo niin a sawi a, Tripura State-ah pawh BJP Sawrkar hnuin hmasawnna chak takin a kal niin a sawi a, Aizawl khawpui leh Mizoram chu kum nga hmalama nen a danglamna leh hmasawnna hmuh tur a tlem hle niin a sawi.
Hemanta Biswa chuan MNF emaw Congress
emaw an thawhpui dawn lo tih a sawi nawn a, BJP election manifesto chu party dang zawng zawng khum, Mizoram mipuite tana \ha ber tur a ni dawn nia sawiin, hun rei loteah defence minister Nirmala Sitharaman- in a tlangzarh dawn tih a sawi.
