Home Dept hotuten Zonet an hrilh danin tun thla ni 1-a Assam Sorkar-in NRC Draft List a tihchhuah hma khan buaina leh harsatna a thleng thei tih hriat lawk a nih avangin Mizoram leh Assam inrinnaa Police Outpost leh Check Post-te thuam \hat vek niin, Police Duty pawh dah belh an ni a, heng hmun hrang hrangah hian chhun leh zanah Mobile Patrolling neih \hin a ni a, tun thleng chuan Mizoram pawn a\anga dan kalha lo luh ruk tum an la awm lova, lo lut ru turte pawh uluk tak ven a ni tih an sawi. Zawhna chhangin Home Department hotute chuan, tuna Assam Sorkar-in NRC a tihchhuah chu Draft List chauh a nih avangin tun dinhmunah chuan dan lova cheng nia sawite chu hnawhchhuah tur an la ni lova, insawifiah hun pek an nih dawn avangin tun dinhmunah chuan Mizorama an lo luh a la hlauhthawn awm lutuk lo nia sawiin, heng mite hi Mizo-te nen hmel leh khawsak phungah an in an loh avangin Final list tihchhuah hunah pawh an lo luh ngam an rin loh thu an sawi a, tuna ramria Police Outpost leh Check Post-a duty-te hian state dang a\anga lo lut turte chu an ven hneh beisei a ni tih an sawi. Police hotute chuan, Assam-in NRC a tihchhuah vang pawh ni lovin hnam dang ILP nei leh nei lo chu a khat tawka enfiah \hin a ni tih an sawi a, tun thla chhung hian Bawngkawn Police Station-in ILP nei lo mi 8 leh Aizawl Police Station-in mi 28 an man tawh thu an sawi bawk.
Puan tawh angin Assam Sorkar-in NRC a tihchhuahin nghawng a neih leh neih loh hi kar kalta nilaini leh ningani khan Central YMA hnuaia Kumpuan Committee-in Vairengte leh Bairabi-ah an zirchiang a. Tun thla ni 1 a\anga ni 8 thleng khan Vairengte Police Checkgate-ah ILP Temporary Permit 1996 pekchhuah tawh niin, Bairabi Police Checkgate-ah 152 pekchhuah tawh a ni thung a ni.
