Assam Rifles leh Lawngtlai Police-te’n Myanmar leh India inri-na rama hel ho camp atangin ralthuam leh a mu engemawzat an man

0
339
views

Assam Rifles leh Lawngtlai Police \angrualin Koladyne Operation neiin nimin chawhma khan Sabual tlang piaha Myanmar leh India inri-na rama hel ho camp a\angin ralthuam leh a mu engemawzat an man. An ralthuam mante hi nimin khan Lawngtlai panpui a ni a, nimin tlai khan Lawngtlai Police Station-ah dah luh a ni a, hel pawl mite erawh chu an tlanchhiat avangin tumah an man lo a ni. 1st Assam Rifles Commandant, Col. BB Puri chuan heng ralthuamte hi Myanmar hel pawl ta a nih rin a nih thu a sawi a, an ralthuam mante hi AK 47 Rifle 2, 9mm Carbine 1, Point 22 Rifle pakhat leh Silai chi hrang hrang, magazine 14 leh Rifle mu chi hrang hrang 674 a ni a, chil puah chi bomb 2, wireless set 2, compass leh bomb tihpuahna detonator 36 an man tel bawk. An ralthuam man chungchangah hian Lawngtlai Police Station-ah FIR thehluh a ni a, thubuai ziah luh nghal a ni bawk.