Assembly Budget Session neih meka Finance Minister Pu Lalsawta Budget pharh tak chu mipui vote lei tumna nia an ngaihthu BJP Mizoram Pradesh General Secretary Pu Vanlalhmuaka’n vawiin khan Upper Republic a an Party pisaah press mite a hrilh a. Budget pharh tak chu Mizo mipuite harsatna leh mamawh sutkian tumna lam aia inthlan kum a nih avanga sorkarna chelhtu CM leh a ho te sum siamna tur leh mipui vote lei an tumna mai niin a sawi. Pu Vanlalhmuaka chuan, Budget pharh takah kuthnathawktute ha\hatna tur a lang lo chunga NLUP leh NEDP-a sum tam tak dah a ni leh si chu mipui bum tumna leh sorkar inchhekarbawm tumna mai a nia sawiin \ha lo an tih thu a sawi a, mipui tana hamthatna tur engmah a awm lo niin a sawi. Pu Vanlalhmuaka chuan, NEDP atan cheng vaibelchhe 1000 an dah chu eng atana hman tur nge tih chu an zawhna a nih thu a sawi a, Budget chu congress in an duh duha an hman tur ni lovin, mipui sum a nih thu CM an hriattir dawn niin a sawi bawk.
