Assembly inthlanpui neih tura PRISM party candidate tur mi 10-te hming puan a ni

0
372
views

Kumin kum tawp lama Assembly inthlanpui neih tura PRISM party candidate tur mi 10-te hming chu nizan khan Aizawla Ignite Studio a\angin puan chhuah a ni a, an dinna tur bial erawh puang tel a ni rih lo. Prism Party Ticket-a ding turte hming puan thawh khatna hi an pawl Vice President, Pu K. Tlanthanga’n a kaihruai a, Senior Vice President, Dr. H. Lallungmuana’n candidate tur mi 10-te hming hi a puang a, Nehemia’n zana mi hriat loh laia Jerusalem kulh chhe lai leh a siam\hat dan tur a zir angin, PRISM chuan kum 11 chhung Mizoram chhe lai siam\hat dan tur an zir chhuak tawh niin a sawi a, Jerusalem kulh chhia siam\hat ngaihna awm tawh loa ngaia beidawngte kulh siam\ha tura a ko angin, PRISM chuan ram siam\ha turin mipui an au tih Dr H Lallungmuana chuan a sawi.

Prism President, Pu Vanlalruata pawhin thu sawiin an pawlin thuneihna a chang a nih chuan Assam enkawl lai Innerline Reserved Forest lak let an tum tur thu te, eizawnna hna thar 1,50,000 siam an tum thu te, buh thartu hnena lawmman \in khatah Rs.100 p>k a nih tur thu te, Mizoram chu Industrial State leh Digital State-a siam a nih tur thu a sawi a. Pu Vanlalruata chuan eiruk chu tunhma zawng aia nasaa an do nasat tur thu sawiin, eiruk la tum tan an party chu vote chi an nih loh thu a sawi a ni. Prism-in an Party Ticket-a ding tura a puan mi 10-te chu Pu B. Vanlalhruaia Chawnpui Veng Aizawl, Pu C. Lalhruaitluanga Lunglei Chanmari, Pu Eddy Zosangliana Colney Chanmari, Aizawl, Pu Lalrinzuala Chawngthu Nursery Veng Aizawl, Pu RL. Liantluanga Bawngkawn Aizawl, Pu SL. Ngursailova Sailo Tanhril Aizawl, Pu TBC. Lalvenchhunga Champhai Vengthlang, Pu Zodinsanga Chanmari Aizawl, Pu RC. Rohmingthanga Tuirial leh Pu Vanlalruata Maubawk Aizawl-te an ni.