Association for Environmental Preservation (ASEP) in vawiin khan ramsa thla la thiam ber lawmman an buatsaih Environmental Photographer of the Year 2017 an sem chhuak a, hemi rual hian environment humhalhna kawnga thawk tha zualte an chawimawi bawk

0
278
views

Political Adviser to Chief Minister Pu Lalrinmawia Ralte pisa-ah chawimawina hi an hlan a, Environmental Photographer of the Year 2017 thlang chhuak tur hian ASEP chuan an Facebook Group-ah thlalak tar chhuakin vote an chhiar a, vote hmung sang zual thlalak 10 te chu thlang chhuakin chung thlalak thazual 10 thlanchhuah te chu Screening Committee in a endik leh hnuah top 3 thlan chhuah a ni a. Vanlalrawna Sailo, Chanmari chu Environmental Photographer of the Year 2017 ah an thlang a, ramngaw siam leh humhalh kawnga thawhhlawk, thingthiak phun tur tam tak kumtina kui tiak thin Tv P.C.Lalrinzuala, Maite khua leh Herhse Ngaw siamtu Pu Lalthuama Sailo, Chhippui khua te hnenah chawimawina an hlan bawk. Chawimawina inkhawm hi ASEP President Pu K.Lalmuansanga’n a kaihruai a ni.