Thupuiah hmangaihna ti lang la, thisen pe rawh tih hman a ni a, Dr. KL Remsanga chuan, thisen mamawh an tam hun, Krismas vuakvetah AVBD-in Krismas puala thisen pek hun an buatsaih \hin chu lawmawm a tih thu a sawi a, kum lo kal leh zel turah pawh tih chhunzawm zel atana thil \ha tak a nih thu a sawi.
Dr. KL Remsanga chuan, Krismas vuakvêtah thisen mamawhna a sang \hin hle niin a sawi a, mi an buai thla a nih avangin Blood Bank lam pawhin duh angin thisen an ngah tawk lo fo nia sawiin Krismas puala thisen pek, pawl anga huaihawt tum thâwm an la hriat loh thu leh hetihlaia AVBD-in thisen pek runpui ruahmanna an siam chu lawmawm a tih thu sawiin Mizo \halaite chu Krismas thilpek atana thisen pe ngei turin a sáwm bawk.
AVBD hian blood bank-te nena \anghoin December thlaah Krismas puala thisen pekna hun an lo buatsaih tawh \hin angin kumin Krismas pualin December thla chhung zawng a duh apiang tan pek theih a ni dawn a, thisen petute hi ei leh in leh HDFC Bank in tui paina a thlawnin an pe zel dawn a ni. Krismas puala thisen pek runpui hawnna inkhawm neih zawh hnu hian mi thahnem takin thisen an pe nghal a ni.
