Bairabi Joint Task Force hian Covid 19 hri leng mek karah Doctor indaih lohna a nasat avanga an khuaa Doctor dah belh tura sorkar an ngenna chu bialtu MLA, Supply Minister Pu K.Lalrinliana’n bawhzui saka Doctor thar an neih belh ta chu an lawm hle tih an sawi a, hei hian an harsatna engemawchen a sutkian ngei an beisei tih an sawi. Bairabi-ah hian Aizawl Civil Hospital-a thawk lai Dr. Lalchhuanawmi chu Bairabi-a awm lailawk tura dah a ni a, tukin khan Bairabi a thleng a ni.
