Mizoram sorkar, Environment, Forest and Climate Change Dept chuan mosolman biak in satute hnenah hian an hna chawlhsan tur leh an hmanraw chhawpte pawh senghawi tura hriattirna, Thawhlehni zan khan ziakin a pe a, Pathianni zinglam a\ang khan hna chawlhsan lailawk tawh mahse, in sakna tura hmanrua an chhawpte chu tun thlengin senghawi a la ni lo a, a bul kawngpui, National Highway number 154-a thawhlawm an khawn pawh an la chhunzawm zel a ni.
Mizoram sorkarin lehkha a pekah hian biak In sakna chu reserve forest huam chhung a nih avangin Forest Conservation Act kalh a nih thu hriattir an ni a, an hna thawh lai chawlhsan a, an hmanraw chhawp te pawh senghawi tura hriattir an ni.
Mizoram sorkarin ramri chungchang bawhzui tura a din, Chief Secretary Pu Lalnunmawia Chuaungo kaihhruai core committee chuan tun thla ni 6 khan Mosolman biak in sak hi ti tawp tura hriattirna pek nise, hmalakna a awm lo a ni chuan Home Minister ho a sawiho in police lam leh forest department \angkawpin \hiah a nih theih nan hmala se tiin thu an lo dah tawh a. Mosolman biak in satuten national highway-a donation an khawn pawh dan kalh a nih thu an lo sawi tawh a ni.
