Bairabi Zophai hmuna Zofate Chawlhbûk sak chungchangah MZP a dinna ngaiah la ding reng

0
329
views

Mizo Zirlai Pawl (MZP)-in Bairabi Zophai hmuna Zofate Chawlhb<k sa tura hma an laknaah MZP chu a dinna ngaiah a la ding reng tih an puang. MZP Executive Meeting chu vawiin khan an pawl Pisa-ah an \hukhawm a, Zofate Chawlhb<k chu engtik ni-ah emaw chuan sak ngei an la tum thu leh sak a nih ngei theih nan hmalak chhunzawm zel an tum thu an sawi a. Hemi chungchangah hian thil thleng thei leh a nghawng theihte uluk taka an ngaihtuah thu leh Union Home Ministry kaihhruainaa naktuk a\anga Inner Line Reserve Forest huamchhunga dan lova hmalakna a awm leh awm loh enfiah tura Joint Verification neih turah MZP aiawh tirh ni se, pawl aiawh a kalte hian a theih ang angin a hmunah enpui ni se an ti a. Mizoram sorkar chu ramri chinfel a nih theih nana huai taka hmala chhunzawm tura an beisei thu an sawi bawk. MZP Executive Meeting chuan, zirna-in hma a sawn theih nan theihtawp chhuah a hmalak ni se a ti a. Zirna in hrang hrang, a bikin Thingtlang lama sorkar enkawl school-a zirtirtu indaih lohna nasa chu \ha lo an tih thu sawiin, zirtritu indaih loh chhan hi zirtirtu tlem vang ni lovin, zirtirtu awmsa semrual loh vang nia an ngaih thu leh zirtirtu hi rualkhai zawka semrual a nih theih nan MZP in hmalak ni se an ti a. Sorkar school-a zirtirtu indaih lo leh zirtirtu nei tlem te chu tun thla ral hmaa MZP Pisapui-a hriattir turin an ngen a ni.