Mexico ramah lirnghing vangin mi 200 chuang

0
519
views

Mexico ram laili-ah lirnghing rapthlak tak avangin mi 200 chuang an thi a, in chimin mi tam tak a la delh bawk. BBC sawi danin, he lirnghing hi a tehna, richter scale-ah 7.1 a tling a, President Enrique Peña Nieto chuan, sikul pakhat a chim avangin zirlai 20 an thi a, naupang dang 30 leh puitling 8 pawh an chanchin hriat a ni lo tih a sawi. A nghin \anna hi Mexico City a\anga km. 120 vel, Puebla state-a Atencingo bulah niin US Geological Survey-in a sawi a, lei a\anga km. 51 vela th<ka in\an niin a sawi bawk. Mexico ramah hian lir a nghing zing hle a, tun thla ni 7-ah pawh khan he ram chhim lamah hian richter scale-a 8.1-a na a a nghin avangin mi 90 vel an thi a ni. Tun \uma lirnghin hun hi tualchhung sana-a nimin chawhnu dar 1:14, India ram sana-a nizan dar 11:44 kha a ni a, khawlaiah mi tam tak an tlan chhuak a ni. Chhanchhuah hna thawktute, sipai leh mi tlawmngaiten zankhuain in chim leh thil dangin a chhilhte an dap a, Enrique Rébsamen school an tihah chuan zanlai velah khan mi 3 chhanchhuah an ni a, naupang pakhat pawh a boruak hip tur, dawt hmanga an pek hnuah an chhanchhuak a ni. Mexico Secretariat of Public Education chuan, he lirnghing hian sikul 209 vel a sawi che niin a sawi a, heng zinga 15 phei chu a chhe nasa hle niin a sawi. Mexico City Mayor, Miguel Angel Mancera chuan, hmun 44-ah in a chhia niin a sawi a, in pakhat, chhawng 6-a sang pawh a chim niin a sawi. Mexico Federal Electricity Commission chuan, an eng p>k chhuahna zaa 70 chu a chhia niin a sawi a, President Enrique Peña Nieto chuan TV-ah thu sawiin, lirnghinna hmunah hian emergency puan a nih thu leh, sipaite pawh mi mangangte \anpui tura a \ul dan ang apianga che chhuak tura tih an nih thu a sawi b^kah, in chim leh in chhia neitute pawh, chhanchhuahna hnathawktute tana harsatna siam lo turin a ngen a, nungdama chhanchhuah tur awm apiangte chu a rang thei ang bera chhanchhuah an nih theih nan mi tin \anpuina a ngen a ni.

Thu dawn pakhatah chuan Mexico ram lirnghinga thi hi 248 nia sawi a ni a, Mexico City international airport chu he lirnghing avang hian darkar thum chuang khar a ni a, mi tam tak chu in chhungah riak ngam lovin, khawlai leh hmun zau deuh laiah te an riak a ni. US President, Donald Trump-a chuan Mexico mipuite harsatna chu a tuarpui thu leh, a \ul dan anga a \anpui tur thu a sawi a, Canada PM, Justin Trudeau pawhin a \ul dana \anpui a inpeih thu a sawi bawk.