Traffic hotute hnen a\anga Zonet thudawn danin, helai hmuna lung leh lei tla hi PWD chuan ngawrh takin a thian chhunzawm zel a, buaina leh harsatna dang a awm loh a, ruah a sur chhunzawm lo a nih chuan kawngpui hi naktuk lamah chuan lirthei kal theih tura hawn theih beisei a ni.
Bawngkawn, Lunglei Road-a Hauva Petrol Pump thlen hma kawngpui chhak lam hi Ningani zan khan a min a, lei min hian Lunglei Road Motor kawngpui chu lirthei engchi mah kaltlang theih lovin a hnawhping vek a, lei tla hi thenfai nghal ni mah se, a min belh leh a, a bula hnaia awm chhungkaw 15 chu hmun him lama suan chhuah an ni a. Leiminna bula Building pakhat phei chu \hiah a ngai dawn a ni.
Bawngkawn khawtlang hruaitute chuan, lei tlate hi thenfai ni mah se, a minna kawng ko chhak lamah lung leh lei tla leh maithei engemaw zat ala awm avangin lirthei kal theih tura kawngpui hi hawn ngham a ni dawn em tih chu Disaster Management Dept lama mithiamte nen enfiah a \ul tur thu an sawi a. Leimina a tih buai a bul hnaia chhungkuate chu sorkar dan dinglai anga zangnadawmna an dawn theih nan sorkar-ah an thlen tawh tih an sawi.
