Berawtlang Tourist Complex-a Convention Centre, Rs 4,67,71,000/- senga sak chu nimin, nimin, World Tourism Day-ah khan CM, Pu Lal Thanhawla chuan a hawng a, tunlai khawvelah hmasawnna hnathawhna kawngah hun rei daih tur ngaihtuah tel a ni \hin tih sawiin, hmar chhak biala state dangte ang bawkin Mizoramah pawh zin mite hipna turin Mizoram chuan sik leh sa nuam tak leh ram ngaw \ha tak a nei a, inkalpawhna \ha zawk siam turin \umhmun dang, rel kawng leh motor kawng \hate siam mek a nih bakah kawlphetha pawh siam belh zel niin a sawi a, zin mite hipna tura hnathawh kawngah mi dang tih dan entawn lova Mizo hnam ze pho chhuak thei zawnga thil tih a ngai niin a sawi bawk. A hawnna inkhawm hi Tourism Minister, Pu John Rotluangliana’n a kaihruai a, Swachh Bharat Mission hnuaia Tourism Deptt.-in Tourist Lodge fai ber a thlanna-a pakhatna, Berawtlang Tourist Complex Manger hnenah Finance Minister, Pu Lalsawta’n lawmman Rs.10,000/- leh certificate a pe a ni. Berawtlanga Convention Centre sak thar hi RCC building chhawng hnih, changtlung taka thuam a ni.
