Bharat Electronics Limited (BEL)-in Aizawl Smart City Project hnuaia CCTV Integrated Control and Command Centre siam turah Contractor atan thlan an nih angin an mawhphurhna a ni dawn tih an sawi.

0
54
views

ZPM Party-in Aizawl Smart City Project hnuaia cheng vbch. 101.02 senga CCTV Integrated Control and Command Centre dah turah Contractor atana thlan BEL-in cheng vbch. 60-a an zuar chhawng leh mek nia an sawi chungchang chu BEL hian sawifiahin, he hna an zawrh chhawn chhan chu he hna chak zawk leh tluang zawka thawh a nih theih nana thawhpui tur zawnna mai a ni, an ti a. He hna thawh tur hian BEL chu mawhphurtu a nih angin, engkim a tir atanga a tawp thleng an mawhphurhna a ni dawn a. Hna thawh zawh a nih thleng an enpuina hnuaia kalpui a nih tur thu an sawi.

ZPM Party hian, Aizawl Smart City Project hnuaia CCTV Integrated Control and Command Centre dah tur chu Contractor atana thlan BEL-in cheng vbch. 60-a an zuar chhawng leh mek nia sawiin, an ngaihthat loh thu an lo sawi tawh a ni.