BHU-ah buaina a chhuah vangin University khar a ni

0
611
views

Ram chhunga University lar ber pakhat, Banaras Hindu University campus-ah buaina a chhuah avangin chawlhkar khat chhung khar a ni. He University awmna, Varanasi-ah hian Inrinni khan lungawi lohna lantira pung khawm, zirlai zinga mi chu police te’n kut an thlak vangin buaina a chhuak nasa hle a, police-ten zirlai tam tak lakah FIR 1,000 an siam hial a ni. Banaras Hindu University-a zirlaite hian an University campus-ah zirlai hmeichhe pakhat chu mipat hmeichhiatna lam hawia mawi lo taka chhaih nia sawiin, University thuneitute laka an lungawi lohna an lo lantir tawh a, Inrinni zan khan an University Vice-Chancellor, Girish Chandra Tripathi-a chenna in an pan a, vengtuten an lo dan b^kah, police-te koh an ni a, zirlai zinga insaseng ve hman lo pakhat, police-te’n an vaw lai video thlalak theh darh a nih avangin, buaina hi a punlun zual a, police-te chuan zirlai ni lo, pawn lam mi \henkhatin pawi khawihna hun remchangah an hmang nia an hriat thu leh thubuai an ziahluh zingah hian kangmei tihchhuah tumte pawh a tel tih an sawi a ni. He thil thleng chungchangah hian BJP kaihhruai state sorkar chuan sawisel a hlawh hle a, CM hlui, Akhilesh Yadav chuan zirlaite kutthlak an ni chu demawm a tih thu leh tharum tel loa buaina chin fel dan kawng zawn a \ul thu a sawi. He thil thleng avang hian BHU leh Varanasi khawpuia degree college zawng zawng chu thla thar ni 2 thleng khar a ni dawn tih vawiina BHU Vice Chancellor thuchhuah chuan a sawi a, Hostel 30 pawh rauhsan vek tur a nih thu a sawi bawk a, he thup>k hi district thuneitute pawhin an bawhzui nghal a ni. He buaina hi an bialtu MP, PM, Narendra Modi-a’n he khawpui a tlawh laia chhuak a nih avangin, politics thila amah tihhmingchhiat tumtuten an ruahman niin University hotute chuan an sawi.