Mizo Archaelogical Society din a ni

0
578
views

Mizo Archaeological Society chu vawiin khan din a ni a, President chu Govt. T. Romana College-a Associate Professor Dr. Malsawmliana a ni a, Vice President atan Mizoram University-a thawk, Dr. Laithangpuii, Secretary atan Mizoram University-a Assistant Professor, Pu Joseph Lalzarliana dah a ni. Heng mite leh an thawhpuite hian Mizo Archaeological Society hi UD&PA Minister, Pu Zodintluanga Pisaah kal khawmin vawiin khan an din a, UD&PA Minister, Pu Zodintluanga chu an sawm angin Patron a ni. Mizo Archaeological Society hi Mizo pipute sulhnu hmuh theih ang angte humhalha, zir chiangtu tur a ni. Mizo Archaeological Society-ah hian Adviser atan Prof. Sangkima, Dr. C. Vanlalramsanga leh Prof. Joy L.K. Pachuau-te dah an ni a, Office Bearer-te bakah Committee Member 5 an awm bawk.