Bible Society of India (BSI) Aizawl Auxiliary in an dinchampha kum 40 tlin Ruby Jubilee chu atang khan Mission veng Kohhranah an lawm tan

0
1392
views

Bible Society of India (BSI) Aizawl Auxiliary in an dinchampha kum 40 tlin Ruby Jubilee chu a\ang khan Mission veng Kohhranah an lawm \an.

Hemi puala buatsaih Jubilee Exhibition chu Auxiliary President hlui Rev. C. Ronghinga’n a hawng a. Hawnna inkhawm tawi Mission veng kohhran hall a buatsaih hi BSI Aizawl Auxiliary Committee member Rev. R Laichhingpuia’n a kaihruai a ni. Chawhnu lamah Synod Conference Centre-a Pi Zaii Hall-ah Auxiliary Committee an \hukhawm bawk. Zanin hian Biak Inpui, Mission Vengah Ruby Jubilee Service neih a ni ang a, inkhawm banah Jubilee lawm nan sky lantern 40 chhuah a ni ang.

BSI Jubilee Exhibition-ah hian BSI Aizawl Auxiliary leh K|P, Mission Veng Branch \angkawpte’n thil chi hrang hrang 177 an pho chhuak a; chungte chu – kuta Bible bu pum ziah chhuah 8, Bible edition hrang hrang hrang 57, Naupang Bible 1, The Bible for Children 8, Bible \awng thei 3, Zosap missionary-te bungraw hlui 2, BSI Aizawl Auxiliary award dawn 6, BESY Melody leh BESY Choir audio album hrang hrang 34, thlalak 13, thuziak hlui 11, lehkhabu leh Bible commentary hlui 33-te a ni. BSI din champha Ruby Jubilee lawmna hian Pathianni zan thleng a awh ang.

Bible Society of India hi Mizoramah kum 1957 December ni 8, khan Lungleiah Lunglei Branch tia din a ni a, hemi kum vek December 11 khan Dawrpui Presbyterian Kohhran Biak Inah Aizawl Branch din leh a ni. kum 1978 June ni 1 ah Aizawl chu Associate Auxiliary-ah hlan kai a ni a, kum 1983 Feb ni 25 ah Auxiliary puitlingah hlan kai a ni a; Associate Auxiliary-a hlan kai ní, June 1 chu BSI Aizawl Auxiliary din ni-ah pawm a ni.