Pu Daviv VL Hmangaiha chungchang hi sorkar-in ngaihsakin a harsatnate chinfel sak se an duh tih vawiina Aizawl Press Club-a thuthar lakhawmtute an kawmnaah an sawi a, ZPM \halai President, Pu C. Malsawmzuala chuan, Pu David VL. Hmangaiha hian kum 2014 khan Bilkhawthlira Saihapui kawn, Buhngah phei leh Hmar luang hnara ram neitute nen inberemin link road hi a lai niin a sawi a, an inrem dan chuan helai vela ram neitute mau chu a nei ang a, anin an ram panna kawng chu a lai ve thung ang tih a ni. Hetianga an inrem ang hian link road hi hmun hnihah a lai a, hei hi km 2 chuanga thui ve ve a ni a, kawng laih nan hian cheng nuai 20 chuang a seng a ni. Hetiang hi thil awmdan a nih laiin, kum 2016-17 ah Horticulture Department chuan NLUP hnuaia Kolasib District-a link road an laihnaah he kawng hi an telh nia sawiin, kawng laihna tur hian kum 2016 June-ah cheng nuai 10 Kolasib DHO-ah pek a ni a. Hemi hnu kum 2017 March thlaah sum hi pek leh a ni a ti a, hei hi dik lo taka thil tih nia a lan avangin link road laitu Pu David VL. Hmangaiha hian September ni 30 a\ang khan he kawng laihna senso rulket tura phut nan chaw a ngei \an a, tun thlengin a hlawhtling lo mai ni lovin, ngaihsak pawh a la hlawh lo a ni a ti a, he thil thleng chungchang hi ZPM \halai chuan pawi an ti hle tih a sawi. ZPM chu kut hnathawktute chawikanna tur policy neitu an nih angin he thil hi an ngai thutak hle a. ZPM \halai chuan a chaw ngheina hmun ngeiah an zuk kawm tawh a, harsatna hi chinfelsak thuai turin sorkar an phut tih ZPM \halai hruaitute chuan an sawi.
