BJP Mizoram Pradesh Core Group hi BJP National General Secretary, Pu Ram Madhav leh hmar chhak bialtu Pu Ajay Jamwal-te hovin Video Conference hmangin an thukhawm a, Mizoram-a Village Council inthlanna neih tur chungchang te, Aizawl Municipal Corporation leh Lai Autonomous District Council inthlanna neih tur te, Mizoram sorkar-in Mara Autonomous District Council-a BJP kaihhruai sorkar a enkawl dante an sawi hova, National GS Pu Ram Madhav chuan, Mizoram chu hmar chhak state 8 zinga BJP sorkar lohna awm chhun a nih avangin tun atanga rei lote-ah Mizorama BJP hmalak dan tur, Road Map chu National President hova duan fel tum a ni tih a sawi.
Mizoram State BJP President, Pu Vanlalhmuaka kaihhruai Core Group thutkhawmnaah hian Mizoram politics dinhmun te, Mizoram sorkar leh Mizo mipuiin Covid-19 hrileng do kawnga an hmalak dan te an sawi ho a. Mizorama BJP hruaitute chu an awmna hmun apianga PMGKY leh thil dang atana sum hmuh leh hri dona atana hmanraw chi hrang hrang Mizoramin a dawnte enzui a, a tul anga a kaihhnawih Ministry emaw National President emaw hnena thlen thei tura inbuatsaih zel turin an chah a ni.
Central hruaituten MADC Sorkar-in harsatna a tawhte National President, Pu JP Nadda hnenah ziaka pe tura an tih angin BJP Mizoram Pradesh chuan hma an la nghal tih an sawi.
