BJP Mizoram Pradesh-in Covid 19 hri leng vanga harsatna a thlen mek laia Mau chi buaipui Sorkar Mizoram-in a nei chu vanduaithlak an tih thu an sawi.

0
325
views

Lunglei Ramthar BCM Kohhran Centenary Hall-a khung hranten an sample endikna result an hriat theih loh vanga lungawi lohna an lantir hial lai leh, Siaha District-a khung hran zinga mi engemawzat an hun zawh tawh hnu pawha sample endikna result a chhuah hleih theih loh laia, MNF kaihhruai Sorkar-in Mau chi a lo buaipui daih hian Mizo mipuite an ngaihnep zia a ti lang chiang hleah BJP Mizoram Pradesh chuan an ngai tih an sawi a. Hrik endikna khawl lei kawngah Sorkar chu inthlahdah-ah an puh a, mimal-in RT-PCR khawl leina an thawh theih laia Sorkar-in pahnih a hawh mek tih loh a dang lei tumna thawm a awm lo leh, Mau chi Supply tura cheng nuai 90 ruahman a ni leh si hi chu mak an tih thu an sawi.