BJP Mizoram Pradesh-in Prime Minister, Narendra Modi piancham lo thleng tur puala mahni inphata midangte tana inpekna hapta, Sewa Saptaha an hman pualin vawiin khan Aizawl District BJP-in thisen pek runpui an buatsaih.

0
351
views

Thisen pek hmaa inkhawm tawi neiah Aizawl District BJP President, Pu Vanlalhuma chuan, Prime Minister piancham lawmna hi hapta khat chhung hman a ni dawn tih sawiin, hetih chhung hian midang tan thil \ha chi hrang hrang tih an tum dawn a ni, a ti a. Midang tana thil \ha tih chu Kristian te tan thil inhmeh tak a nih avangin hei hi chhawm nung zel an tum tih a sawi. Thisen hi Aizawl Civil Hospital blood bank-a thawktuten Upper Republic-a BJP Office-ah thisen hi an lak sak a. Hmeichhia 2 leh mipa 26-in thisen unit 28 an pe a ni. Prime Minister, Narendra Modi piancham pual hian District danga BJP te pawhin thil \ha tih nan an hmang dawn a, thisen an pek bakah hian fahrah enkawlna hmuna naupangte hnenah \anpuina an hlan dawn bawk.