BJP Mizoram Pradesh Reformed Movement invuah ten Zemabawk YMA Hall kawtah Mizoram Pradesh BJP President Dr. JV Hluna, Vice Presidnet pahnih, Pu Vanlalhmuaka leh Pu Lalduhawma Zadeng-te lim nimin chawhnu khan an hal

0
241
views

Hemi hnua thuchhuah an siamah Mizoram Pradesh BJP hruaitute lim an halna chhan chu kumin kum tawp lama Mizoram Assembly inthlanna neih tura an chak theih nan leh an party then thianghlimna tur niin an sawia, Dr. JV Hluna chu tunhma lama MLA a nih lai pawha hming chhiatna nei, rintlaklo leh tuna Mizoram BJP a enkawl lai pawha sum leh pai lama rinawmlo nia sawiin Central lama an pute duh dan ang lova, Chakma Autonomous District Council-a Congress thawhpui niin an sawia, Mizoram Pradeh BJP President a nihna a\ang bang turin an phut bawk a ni.