Thuchhuah an siamah BJP Mizoram Presdeh chuan, Congress Party-in thil dik lo awm nia an hriat Rafale Deal chungchangah Supreme Court-in thutlukna a siam tawh a. Hetiang a ni chung hian Congress Party chuan Central leh State-a an Party tluchhe zel tur laka mipui rilru lakpen dan tur an zawnna lama Politics \ha lo hmanga BJP Sorkar beihah puhin, Rafale Deal chungchanga finfiahna engmah awm lo chunga Congress President hlui Rahul Gandhi-an Prime Minister beihna atan a hmang \hin hi a vanduai thlak tak zet a ni, an ti a. Rahul Gandhi-a’n mipui hmaa a thusawinaah rukru ang hiala Prime Minister Narendra Modi a sawi \hin chu bansan se, rukru anihna finfiahna engmah nei si lova dawt hmanga mipui hnena inbeih hi Politics a dinhmun pawimawh taka ding tan chuan chin chhunzawm chi a nih loh thu an sawi.
