BJP President thlanna result hi vawiin khan Aizawla an Party Pisa-ah puan a ni a, Central BJP a\anga he inthlan buaipui tura lo kal Lok Sabha member, Pu Vinod Sonkar-a’n BJP Mizoram State President atana Nomination File-tu mi 3 zingah General Secretary nilai Pu Vanlalhmuaka a tlin thu a puang a ni.
President atan thlan a nih thu puan a nih hnuah Pu Vanlalhmuaka chuan, President kal chhuak Prof. JV Hluna’n an Party tan theihtawp a lo chhuah tawhna chuan Mizoram BJP-ah rah \ha a chhuah mek a ni, a ti a. President atana thlan a ni chu lawmawm a tih thu leh Mizoram leh hnam tan theihtawp a chhuah tur thu sawiin, kum 2023 MLA inthlanpui lo awm turah Sorkar-na siam ngei turin theihtawp an chhuah nghal dawn tih a sawi.
President kalchhuak Prof. JV Hluna pawhin President thar Pu Vanlalhmuaka chu duhsakna a hlan a, a ni kaihhruaina zarah BJP Mizoram chuan hma sawnna duh awm tak leh chak zawk a hmuh a beisei tih sawiin, President a nih chhunga an Party miputen \ha taka an \awiawm \hin chu lawmawm a tih thu a sawi a ni. He
inkhawm hi State Election Incharge, Pu Nirupam Chakma-in a kaihruai a, National Council Member atan Pu Nirupam Chakma chu thlan tlin a nih thu puan a ni bawk.
