Brazil-a lawng chesualah mi 10 vel thi

0
552
views

Brazil ram hmar lama Xingu luiah lawng pakhat a chesual a, mi 10 vel an thi a, midang eng emaw zat chin hriat lohin an awm. He chetsualna hi Thawhlehni-a thleng kha a ni a, lawngah hian mi 70 an chuang a, Thawhtanni zan khan Santarem atanga chhuakin, Victoria do Xingu lam a pan a ni. Lawng pil chhan tak hi hriat a la ni lo a, police-te’n an chhui mek a ni. Brazil ram hmar lamah hian lawng hmanga zin veivah an uar hle a, hei hi motor kawng a tlem vang nia hriat a ni a, August thla tir lamah khan state pakhat, Para-a Amazon luiah bungraw phur lawng leh lawngte pakhat a insu a, mi 9 an thi a ni.