Congress party hian thu chhuah siamin Finance a\anga Sports Department-a cheng nuai 1000 pek belh thu leh, Tourism Deparment-a cheng nuai 100 pek belh anih thu sports leh tourism changtu Minister in a sawi chu, sum leh pai enkawlna kawnga MNF sorkar fel tawk loh zia leh, Demand for Grants-a tarlan chi loh sum hmanna tur fel tawk loh an ngah zia lantirtu a ni an ti. Finance Department-ah kum hmasa lama cheng nuai 500 hmanna Grants in Aid (non-salary)-ah cheng nuai 5000 dah a ni tih Congress pary hian an sawi a, kum hmasa lama nuai 1283.81 hmanna Other Charges-ah nuai 10,885.54 dah a nih bakah nikum lama sum engzatmah hman lohna Major Works-ah cheng nuai 1,04,283.87 lai State pawisa dah a ni an ti a, heng zawng zawng belhkhawm, cheng vbch. 1201 hi hmanna tur fel tak ruahman sa awm lo, Finance Minister, Chief Minister ni bawk thuneihna liau liau a dah, amah tlawn peih deuh Minister-te hnena a pek leh tur a ni an ti a, budget nasa taka an tih tlemsak Minister \henkhat zinga Chief Minister in a duhsak bik, Pu Robert Romawia Royte, Sports leh Tourism Minister hnenah cheng nuai 1100 zet budget session neih lai ngeia pek a ni ta tihna a ni an ti.
