Vawiina Aizawl Press Club-a thuthar lakhawmtute a kawmnaah Pu K. Lalrinliana chuan, tuna harsatna thleng mek hi motor lianten buhfai an phurh hmasak dan tur indaw chungchang a ni tih sawiin, tunah hian Carrying-ten an ngen avangin Thawh\anni thleng ngaihchan phawt a ni ang a, hemi hnuah harsatna chinfel anih loh chuan sorkar-in a \ul angin hma ala dawn tih a sawi.
Supply Department hotute sawi danin, tunah hian Mizoram sorkar hnuaiah buhfai phurtu Carrying Contractor 15 an awm mek a. Heng mite hi Sorkar nen inremna fel tak siam an ni a, dan ang chuan Contractor-te hian a tlem berah Truck 4 tal an neih a ngaih bakah, sum engemawzat an dahkham a. Hetihrual hian Contractor-te lirthei hmang chauha buhfai hi phurh a nih chuan Mizoram mamawh phuhruk zawh a nih loh avangin Contractor-te kaltlangin mimal lirthei neituten buhfai hi an phur ve \hin a, buhfai phurh dan indawt chungchangah hian tun hma a\angin Carrying Contractor leh Driver-te inkarah inhmuhthiam lohna neuh neuh alo awm tawh \hin a, buhfai phur tur motor tlan dan hi Driver-ten an enkawl avangin Contractor-te chuan danin thuneihna a pek ang, an dinhmun luah zo lova inngaiin buhfai phurh dan kalhmang hi enkawl tir turin Guwahati High Court, Aizawl Bench-ah an khing a, hei hi Court chuan ngun taka a ngaihtuah hnuah Carrying Contractor-te enkawl turin thutlukna a siam tih an sawi. Court thutlukna hi motor khalhtuten an duh loh avangin buhfai hi ni 20 chhung zet an phur duh lo tawh a ni.
Supply Minister, Pu K. Lalrinliana chuan, he buaina thleng mek avang hian mipuite chiai lo tura chahin, chhung tinin an thla tin buhfai lak \hin ang an dawn theih nan Sorkar chuan a tih tur a ti zel dawn a, hemi atana hma an lakna turah thil eng emaw thleng thei a ni a, tuemaw hrem a, Jail-a dah hial an lo ngai a nih pawhin a chhan hre chiang tur leh sorkar hmalakna ngaichang thiam turin mipuite a ngen a ni.
