Buhkangkawn Public Hall bialtu MLA-in hawng

0
405
views

Serchhip District-a Buhkangkawn Public Hall thar chu vawiin khan Bialtu MLA Pu Lalrinawma’n a hawng. Hawnna inkhawma thusawiin Pu Lalrinawma chuan mipuite chu Mizoram neitu an nih tih inhre reng a, thil chhe lamah leh a tha lamah mawhphurtu an ni tih inhre reng turin a fuih a, hmasawnna hnathawhna tur sum sorkar atanga lo kal te pawh mipui ta a ni tih hria a, ngai pawimawh tur leh hnathawktute fuih an ngaihna apianga fuih turin a fuih a ni. Buhkangkawna Public Hall sak nan hian Pu Lalrinawma chuan MLA Area Development Fund atangin Rs. 3,10,000 a pe a ni. A sakna tur ram hi Aizawl khaw mi Pu Lalramnghaka’n a pe a, inkhawm hi Buhkangkawn Welfare Committee President, Pu Siamthara’n a kaihruai a ni.