Bungraw phur motor lian Mizorama lo lut ten harsatna an tawh \hin nia sawi chinfel dan tur ngaihtuahin Zoram Drivers Union ZDU hruaitute leh Silchar Truck Drivers Association hruaitute Silchar-ah an inbia.

Inbiakna-ah hian ZDU chu an president Pu C.Vanlalsanga’n hovin, Silchar Truck Drivers Association chu an president Rana J.Husain Majumdar-a’n a ho a, Silchar Truck Driver te hian Mizoram an luh chiah a\angin Checkgate hrang hrangah pawisa tam tak tak an chawi \hin niin an sawi a, zoram hmun \henkhatah hnamdang driver an nih vang ngawta kut thlawn an tawrh mai chang te a awm tih sawiin, an harsatna sutkian dan tur ngaihtuahpui turin ZDU hruaitute hi an ngen a ni. ZDU President Pu C Vanlalsanga chuan an Driver puiten harsatna an tawh \hin chu Mizoram tana harsatna lian zawk thlen thei a nih avangin, theih tawp chhuaha thuneitute hnena hmalakpui an tum thu a sawi.