Bureau of Parliamentary Studies and Training, Lok Sabha Secretariat New Delhi-a training tur I&PR Officer panga leh Mizoram Journalists Association member 15 te chu vawiin khan I&PR Minister Pu Lalruatkima’n a vailiam.

0
340
views

Training a kal tur te vailiam hma inkhawmah Pu Lalruatkima chuan I&PR Officer-te leh chanchinbumite Lok Sabha Secretariat-a training tura an kal thei tur chu lawmawm a tih thu a sawi a. Mizoram tan thil thar tam tak zirchhuah tur a awm tih sorkarin a hriat avangin an kalna tur sum a tum sak a, ruahmanna a siamsak a ni, a ti.

MJA President Pu Zonunsanga Khiangte pawhin thu sawiin Mizorama la thleng ngai lo, Lok Sabha-a training thei tura chanchinbumite tirh chhuah an nih avangin sorkar chungah MJA a lawm hle tih a sawi.

Training hi tun thla ni 25 atanga ni 27 chhunga neih tur a ni a, Parliament kaihhnawih hriat tur pawimawh tam tak an zir dawn a ni. Bureau of Parliamentary Studies and Training-ah hian Mizoram Legilative Assembly Member-te pawh tum engemawzat training in an kal tawh \hin a. Mi thiam rualten Assembly leh Parliament a rorel dan kalphung an zirtir a, ram chhunga State Legislature leh Parliament-a mawhphurhna nei mipui aiawh thlan chhuah te leh official-te tan bakah International Training Programme-te thlengin an buatsaih thin a ni.

Training tura kal te hi I&PR Joint Director Pu Lalramliana Chawngte leh MJA Gen. Hqrs General Secretary Pu Zohmingmawia ten an ho a ni.