CADC sum tur cheng nuai 1020.60 Congress sorkarin-a hmuh atangin zaa 60 a chhep relh – MNF Sr. Vice President Pu Tawnluia

0
352
views

Chakma Autonomous District Council sum tur cheng nuai 1020.60 Congress sorkarin-a hmuh a\angin zaa 60 a chhep relh niin MNF Sr. Vice President Pu Tawnluia’n vawiin khan Hnam Runah Press mite a hrilh. Pu Tawnluia chuan, Congress sorkar sum chhehrelh awm ni a sawi chungchang hi Larsap hnenah Kamalanagar MNF District hming leh General Hqrs. hmingin chhuichiang tura ngenna an thlen tawh tih a sawi a, Larsap chu vawiin khan an hmu leh tih sawiin sum chhehrelh awm ni a sawi hi nithum chhunga Accountant General chhui tir turin an ngen nawn tih a sawi. Pu Tawnluia chuan Congress in CADC sum zaa 60 an chhehrelh awm ni a sawi hi tun thla ni 20-a he District Council inthlan lo awm tura inlei tlinna atana hman tum nia an hriat thu a sawi a, \ha lo an tih thu leh an dodal tlat tur thu a sawi. CADC inthlan tura 18 Fultuli biala MNF Candidate Pu Sunir Tongchongya dan tlawhchhan sawi tur leh ziah tur hre si lova RO in a disqualified chungchangah nimin khan Gauhati High Court Aizawl Bench-ah an zualko niin Pu Tawnluia chuan a sawi a, Court chuan he biala Congress candidate RO in tlinga a lo puan tawh chu vawiin khan a rawn Stay tih a sawi. Pu Tawnluia chuan CADC inthlan turah Congress chet dan chu dan leh hrai zah lohna leh mawi leh mawi lo pawh thluk lohna nia sawiin, inthlanna thianghlim leh felfai a awm theih nan MNF in \an a la zel dawn tih Press mite chu a hrilh bawk. Zawhna chhangin MNF Legal Board Chairman Pu J Lalremruata Hmar chuan RO chu an beih leh hrem tura an ph<t a nih loh thu sawiin an Candidate chu inthlan chuh thei turin a tling tawk tih hailan an tumna mai a nih thu a sawi a, CADC sum chhehrelh awm ni a sawi chungchang pawh Larsapin a la thutak hle nia an hriat thu a sawi bawk.