California Police ten kum 1970, 80 chhova pawngsual leh mi engemawzat thah thubuaiah Police Officer hlui pakhat an man

California Police ten kum 1970, 80 chhova pawngsual leh mi engemawzat thah thubuaiah Police Officer hlui pakhat an man. Police te chuan an mi man hi Joseph James DeAngelo kum 72 mi a ni tih an sawi a, mi tam tak pawngsuala thah zui thubuai hlui tawh tak an chhui nawn lehna a\angin Joseph James DeAngelo hi an man tih an sawi. Police te chuan khang hunlaia Golden State Killer tia hminglem vuah Joseph James DeAngelo hi mi 12 thah thubuaiah leh hmeichhe 51 pawngsual thubuai bakah rukruk thubuai 120ah te an man tih an sawi a, heng bakah hian thubuai dang pawh siambelh a la nih hmel tih an sawi bawk a, DNA an enfiahna atangin pawikhawihtu hi an hmuchhuak tih an sawi.