Zahawmna humhim tumna nia sawia thah nia rinhleh, Italy hmeichhe pakhat ruang chu Pakistan police ten endik turin an lai chhuak nawn leh

0
247
views

Zahawmna humhim tumna nia sawia thah nia rinhleh, Italy hmeichhe pakhat ruang chu Pakistan police ten endik turin an lai chhuak nawn leh. Kum 26 mi Sana Cheema hian Gujarat-a a chhungte a tlawh a, a thih t^k avangin a ruang endik lovin kar kalta khan phum a ni. A chhungte chuan natna hriat loh engemaw avangin a thi niin an sawi a, hetihlai hian a chhung te remtih loh pasal neih a tum vanga thah nia sawi a awm ve bawk. Police te chuan a pa, a unaupa leh a patea te lakah thubuai an ziak lut a, a ruang endikna result atangin an hmalak zel dan tur chu a chiang dawn tih Police te chuan an sawi. Chema hi Pakistan a piang a ni a, Italy lama seilian a ni thung a, Police te sawi danin a pa chuan Pakistan-a an chhung hnai vai pakhat neih tir a tum nia an hriat thu an sawi a, a thiante erawh chuan a chhungte remtih lo chungin, Pakistan mi, Italy-a cheng mek nen inneih an tum niin an sawi.