Capacity building and Rural Homestay Training Programme hmang tan

0
638
views

New Economic Development Policy hnuaia Capacity building and Rural Homestay Training Programme ni hnih chhung awh tur chu vawiin khan Champhai Venglai Community Hall-ah \an a ni. He training hi Tourism Department leh ICFAI University Mizoram buatsaih a ni a, a hawngtu, Champhai Additional DC, Pi Lalsangpuii Hmar chuan, Mizoram sorkarin Rural Homestay scheme hi Champhai District-ah hman hmasak ber a tum tih sawiin, he scheme thil tum chu hmun hrang hrang tlawha zin mite an khaw tlawha chhungkaw hrang hrangten thlen man chawia an lo mikhual theihna tur niin a sawi a, Champhai District chu pipute sulhnu pawimawh tak tak awmna a nih avangin he scheme nen hian a inhmeh hle dawn niin a sawi a ni. He training hi ICFAI University-a Assistant Prof. Pi Zairemmawii Ralte-in a kaihruai a, Assistant Prof., Pu Ramnunmawia Pachuau-in Homestay scheme kalphung tur leh thingtlang khaw miten an ina thlen man chawia zin veivak mi mikhual an thlen dan tur a sawifiah a, Pi Zairemmawii Ralte chuan ei leh in tur thianghlim leh an hmunhma enkawl dan tur a sawi a ni. Champhai District-a Rural Homestay Scheme hmanna tur khua atana thlante chu Vangchhia, Dungtlang, Vaphai, Zokhawthar, Hnahlan leh Chawngtlai khuate a ni.