Capacity Building for Climate Change Adaptation Planning chungchang zirho

0
329
views

MLA-te leh sorkar officer liante tana Capacity Building for Climate Change Adaptation Planning chungchang zirhona chu vawiin khan Aizawl Club-ah neih a ni a, he zirhona, Mizoram Science, Technology & Innovation Council hnuaia Mizoram State Climate Change Cell, NABARD leh Indian Himalayas Climate Adaptation Programme \angkawp buatsaihah hian CM, Pu Lal Thanhawla chuan khawvel hmasawnna sang chho zelah mihringte mamawh pung chho zelin boruak leh sik leh sa awm dan nasa takin a khawih danglam a, Mizoramah ngei pawh kumin hian November thla thlengin ruah a sur a, hei hian khaw awm dan leh boruak awm dan nasa takin a tidanglama, sik leh sa danglam chho chak lutuk venna tur leh sik leh inthlak danglam mila kal dan tur chu mi tin tana thil pawimawh a tling ta niin a sawi. Planning Minister, Pu Lalsawta pawhin sik leh sa leh ruahsur dan danglam chak lutuk chu thil manganthlak leh a tihziaawm dan zawn zui ngai niin a sawi a, buh leh thlai \hat \hinna hmunte pawh a inthlak danglam chho mek nia sawiin, mi thiamte leh sorkar hruaitute bakah mipuiten \angruala hma an lakna tur niin a sawi a ni. He zirhona hi Planning Secretary, Dr. C. Vanlalramsanga’n a kaihruai a ni.