Inkhawm hi Mamit Sub Headquarters YMA President Pu K. Elley Rosanga’n a kaihruai a, sik leh sa chungchang sawitu Central YMA Science & Environment Committee Secretary Prof Lalnuntluanga chuan, khawvel puma sik leh sa inthlak danglam chu Mizoram pawhin a tuar chho mek tih a sawi a, khawlumna hmuna awm \hin, tlai ei chhetu pangang Fall Armyworm pawh Mizoramin a buaipui ta a, hei hian Mizoram sik leh sa a inthlak danglam hle tih a lantir a ni a ti a, sik leh sa inthlak danglam zel tur veng turin ramngaw neih sa humhalh-a thing leh mau te phun belh a \ul a ni a ti.
Central YMA General Secretary Pu Lalhmachhuana pawhin thusawiin Mizoram sik leh sa inthlak danglam zel veng turin mitinin mawh an phur a ni a ti a, a invenna tha ber chu thingphun uar leh ram tih kan loh a ni a ti. He inkhawmah hian Mamit Addl. DC Pu Jacob Lalawmpuia leh Central YMA Science & Environment Committee Chairman Pu Lalhmangaiha te pawhin thu an sawi bawk.
