Tripura Transit Camp-a Tuikuk awmte chu hun rei tak Home Affairs Ministry leh Mizoram Sawrkar-in hruai haw alo tum tawh \hin a, Mizorama tlawmngai pawl hrang hrangte pawhin lawm taka dawnsawn an lo tum lai leh Sorkar a\anga ham\hatna tam tak tiam an ni chung pawha kawhmawh bawl vanga Mizorama kir duh lote Union Home Minister, Pu Amit Shah hova Tripura-a an awm hlen theihna tura inremna ziah a ni chu thil \ha tak a ni tih sawiin, Tuikuk-te chu Tripura-a an awm ngheh dawn tak avanga Mizoram Electoral Roll-a chuangte Roll a\anga paih an ni tur chu lawmawm an ti lehzual tih sawiin, thuneitute chungah lawmthu an sawi a.
Central YMA chuan, Tuikuk-te chungchanga \hahnemngai taka Sub-Hqrs. YMA, Group leh Branch YMA hmalaknate, Mizo mipui zawng zawng dawhtheihnaah lawmthu a sawi a ni.
