Tun thla ni 17-19 chhunga Champhai Zotlanga YMA General Conference neihna tur Pandal sak mek leh inbuatsaih dan chu tun hnai khan Central YMA hnuaia Detail Program Committee-in an en a, Pandal hi a dung feet 100 leh a vang Feet 70-a zauvin Zotlang Field-ah sak mek a ni a, “ZOKHAWPUI RUN” tih vuah a ni. Zirtawpnia an en fiah lai hian Pandal hi sak pum \ep a ni tawh a, tun kar chho-ah hian sak pum hman beisei a ni. Detail Programme Committee hian Variety Programme hmanna tur, Mangkhaia Hall pawh an tlawh nghal a, Mangkhaia Hall-ah hian mi 800 vel leng turin a sirah mipui \hutna tur zar zawm a ni bawk. He Committee hian Aizawl leh Champhai inkar kawng PWD in a chei \hat mek pawh an en nghal a, ruah tui a tlak chhunzawm lohva, tluanga taka hna thawh chhunzawm a nih chuan YMA khawmpui palaiten kalkawngah harsatna an tawh loh an beisei a ni.
