Hemi puala inkhawm tawi Central YMA Hall-a buatsaih hi Central YMA Vice President Pu R Lalngheta’n a kaihruai a, Pu Lalnunmawia Chuaungo chuan YMA chu hnam dang te neih loh Mizo mipui ram chhung leh pawna mite thlamuanpui pawl ropui tak a nih thu a sawi a, an hmalakna te chu Mizo hnam leh ram tana \ha tur a nih avangin ropui a tih thu a sawi. Pu Lalnunmawia Chuaungo chuan ruihhlo avanga man-te awlsam taka chhuah an nih chungchangah Sorkar ang pawhin nasa zawka \an lak a ngai nia a hriat thu sawiin a theih na zawnah puih a in huam reng tih a sawi.
Central YMA President Pu Vanlalruata pawhin thusawiin ruihhlo doa an hmalaknate selna tam tak awm \hin avangin beidawn chang a nei \hin tih a sawi a, ruihhlo do chu hlawh neia thawk an nih bik loh thu leh mahni inpeknaa kal an nih thu a sawi a, UT hunlai a\anga tun thlengin ruihhlo avangin Mizoramah mi 1540 vel an thi tawh a, hei vang hian Mizo \halaite tan Central YMA chu a ding chhuak a ni a ti.
Pu Vanlalruata chuan Mizoramah ruihhlo ngai enkawlna hmun 20 vel a awm tih sawiin heng hmunah te hian leng lo khawpa tam an awm reng a ni a ti a, Mizo te ruihhlo in beih nasat avangin hnam a boral loh nan YMA hmalakna chauh a tawk lo a, mi zawng zawng \anrual a ngai a ni a ti.
SRS Batch Convener Pu Fabian Lalfakawma sawi danin hal ral takte hi Heroin No 4 hawng 120, a chhinsen 253, Can 1258, Alprazolam leh Tramadol tablets 15455, Ganja fun 16, khuh damdawi ruihhlo atana hman bur 1318 a ni. SRS te hian ruihhlo leh thil \ha lo danga inhnamhnawih mi 114 Home ah an dah a, Excise leh Police a pek 30 an nei a, mi 407 counselling an neihpui a ni.
